PLAYTIME 2017-Д УРИГДСАН “THE FIN.”
Энэ жилийн “Playtime 2017” амьд хөгжмийн наадам долдугаар сарын 7-9-ны өдрүүдэд Гачуурт дахь Монгол шилтгээнд болох гэж байна. 16 дахь жилдээ зохион байгуулагдаж буй наадамд жил бүр гадаадын хамтлаг дуучдыг урьж тоглуулдаг уламжлалтай. Тэгвэл энэ жилийн “Playtime 2017” наадмын эхний өдрийн салхийг хагалахаар Японы “The fin” хамтлаг уригджээ.
“The fin” нь инди рок урсгалаар голлон уран бүтээлээ туурвидаг Японы амьд хөгжмийн хамтлаг. 2010 онд анх байгуулагдсан хамтлагийн гишүүд багын найзууд бөгөөд уран бүтээлээ өөрсдийн “Soundcloud” хуудсанд анх байршуулж эхэлжээ. Энэ дундаас “Night Time” дуу нь олонд танигдаж Японд төдийгүй бусад орнуудад нэр нь “цуурайтаж” эхэлсэн байна.
Японы хамтлаг хэдий ч тэдний дуунууд бүгд Англи хэл дээр бичигдсэн байдаг. Магадгүй энэ нь дэлхийд танигдахад нь түлхэц болсон биз. Хамтлагийн дуучин Yuto Uchino хэлэхдээ “Дууны үгээ Япон хэлээр бичих нь нэг л болж өгөхгүй байсан. Харин Англи хэл рүү хөрвүүлсний дараа ая болон үг маань миний хүсч байснаар таарж эхэлсэн” гэжээ. Өөрсдийн гэсэн имидж, урсгалыг бий болгосон өвөрмөц хамтлагийн тоглолтыг дэргэдээс нь сонсох боломж Монголын амьд хөгжим сонирхогчдод олдлоо.
Дашрамд дурдахад Playtime 2017 наадмын тасалбарыг “Hi-Fi”, “Orange” дэлгүүрүүдийн салбараар худалдаалж эхэлжээ.
The fin. – Night Time
The fin. – Without Excuse
Нийслэлийн хэмжээнд гал түймрийн 66 дуудлага бүртгэгджээ
АТГ: Х.Нямбаатар нь өөрийн хамаарал бүхий компаниудыг төрийн 20 орчим тендерт шалгаруулсан байж болзошгүй үйлдлийг шалгаж байна
Өрхийн эрүүл мэндийн төвүүд ирэх сарын 7-ноос эхэлж уртасгасан цагаар ажиллана
Японы Засгийн газар Нөмрөгийн түймэрт өртсөн газар нутгийг нөхөн сэргээхэд хамтран ажиллахаа илэрхийлэв
Дүүжин замын тээвэр арванхоёрдугаар сарын 15-наас иргэдэд үйлчилнэ
Төрийн өмчит компанийн удирдлагуудад хахууль өгсөн хэргүүдийг шүүхэд шилжүүлжээ
Чингэлтэй дүүрэг, Зүрх уул чиглэлийн 1.6 км авто замын ажил 85 хувийн гүйцэтгэлтэй үргэлжилж байна