Ц.Мөнх-Оргил шиг даяарчлагдсан хүн Гадаад харилцааны яаманд тохирохгүй нь!

Гадаад харилцааны сайд Ц.Мөнх-Оргил гэж хүн Монгол Улсын гадаад бодлого, улс орны тусгаар тогтнолын асуудлыг хэрхэн ойлгодог нь их сонин. Ер нь түүнийг энэ салбарын сайдаар ирснээс хойш гадаад бодлого, тэр дундаа Хятадтай харилцах харилцаанд анхаарал татсан зүйлүүд цөөнгүй гарч буй. Вагон вагон дүүрэн хужаа нар Монголд буулаа гэх асуудал, хятадууд монгол руу чөлөөтэй зорчих тухай асуудал, Далай ламыг дахин Монголд урихгүй гэсэн буулт гэхчлэн. Тэгвэл Ц.Мөнх-Оргил сайд давхар иргэншлийн асуудлаар ч бас л сонирхолтой зүйлийг хэвлэлд яриад байна. Тэрбээр Өдрийн сонинд өгсөн ярилцлагадаа “Давхар иргэншил хэрэгжсэнээр Хятадууд болон бусад гадныхан олноороо Монголын иргэншлийг авна гэх аюул байна гэж хүмүүс болгоомжилдог. Энэ чинь ийм санаа зовох зүйл биш шүү дээ. Одоо чинь тухайн улсын иргэн гээд хар шар цагаан гээд ямар ч хүн чөлөөтэй байж болдог, тэр нь бас ямар ч улсын давхар иргэншилтэй байж болдог болсон. энэ нь огт гайхах зүйл биш болчихоод байна.” хэмээн ярьжээ. Ер нь гадаад харилцааны сайдаар Ц.Мөнх-Оргил шиг ийм даяарчлагдсан нөхрийг ажиллуулаад байх нь хэр зөв юм бол доо. Анхаарахгүй бол горьгүй нөхөр юм.

Эх сурвалж: Шуурхай.мн