Ээжийгээ тагтан дээр хөөж гаргаад зодсон эмэгтэйг саатууллаа

Төрүүлсэн ээжийгээ тагтан дээр хөөж гаргаад “үхэхгүй юу хийгээд байгаа юм” хэмээн  орилж, ээжийгээ хувцас хатаагч хавчаараар цохиж буй эмэгтэйн бичлэг өчигдөр сошиал сувгаар тарж, олон хүний сэтгэлийг үймүүлэв.

Бичлэгийг үзсэн хүмүүс сошиал сүлжээ, фэйсбүүкээрээ дамжуулан тухайн эмэгтэйг холбогдох газрууд нь шалгаж, эмээг хамгаалах хэрэгтэй байна хэмээн сэтгэгдэлээ үлдээж байв. Тиймээс Чингэлтэй дүүрэг дэх цагдаагийн нэгдүгээр хэлтэс иргэдээс ирсэн гомдлын дагуу шалгалтын ажиллагааг хийж эхэлжээ. Улмаар өчигдөр дуудлагаар очиж ээждээ агсам тавьсан согтуу эмэгтэйг саатуулсан байна.

 Энэ хэрэг Чингэлтэй дүүргийн дөрөвдүгээр хорооны 41 дүгээр байранд гарсан бөгөөд цагдаа нар өчигдөр 23.10 цагт очиход агсам тавьсан эмэгтэй гэртээ байгаагүй, зугтсан байсныг шуурхай эрэн сурвалжилж ийнхүү саатуулжээ.

Эмээгийн хувьд гэртээ байгаа бөгөөд бусад хүүхдүүдийг нь дууджээ. Энэ айлтай ойр байдаг хөршүүдийнх нь хэлж буйгаар саатуулагдсан эмэгтэй дээрх мэт үйлдлийг байнга гаргадаг байсан аж.