МАХН-ын дарга Н.Энхбаяр, “Босоо” С.Ганбаатар нар ил цагаанаар хэлхэлдэж эхэллээ

Монгол Улсын Ерөнхийлөгчийн сонгууль ирэх зургадугаар сарын 26-нд болно. Энэ удаагийн сонгуулиар намуудаас хэн хэн нэр дэвших нь тодорхойгүй. Хуулиараа намууд нэр дэвшигчдээ ирэх тавдугаар сард тодруулах ёстой байдаг.

Тэгвэл МАХН-аас УИХ-ын гишүүн С.Ганбаатарыг нэр дэвшинэ гэх мэдээлэл цацагдсан. Энэхүү мэдээллийг МАХН-ын гишүүн, УИХ-ын гишүүн О.Баасанхүү үгүйсгэсэн юм. Харин С.Ганбаатар МАХН-аас нэр дэвших санал тавьбал татгалзахгүй гэсэн.

Гэхдээ энэ мэдээлэл ор тас худал мэдээлэл биш бололтой. Учир нь МАХН-аас зохион байгуулж буй “Үндсэн хуулийн өөрчлөлт, шинэчлэлт” хэлэлцүүлэгт Монгол Улсын гуравдагч Ерөнхийлөгч Н.Энхбаяр, “Босоо” хэмээх Ганбаатар нар хүрэлцэн иржээ. Ингэхдээ тэд зэрэгцэн суусан нь С.Ганбаатар МАХН-аас Ерөнхийлөгчийн сонгуульд нэр дэвших юм биш биз гэх хардлагыг төрүүлж байна.

Юутай ч МАХН-ын дарга Н.Энхбаяр, “Босоо” С.Ганбаатар нар ил цагаанаар хэлхэлдэж эхэллээ.

Б.Анир

Эх сурвалж: Shuurhai.MN