Эр хүний замын хүзүү урт гэдэг сэндээ

Өнгөрсөн амралтын өдөр “Эр цэргийн баяр” болж өнгөрсөнтэй холбогдуулан “Hero  энтертайнмент”-ийнхэн “Монгол тулгатны 100-н эрхэм” нэвтрүүлгийнхээ ээлжит дугаарыг үзэгчиддээ өргөн барив. Дугаарын зочин хойморт УИХ-ын гишүүн, МУ-ын Дархан аварга Б.Бат-Эрдэнэ оролцсон билээ. Тус нэвтрүүлгийг Б.Лхагвасүрэн, Н.Сувд, Жанцаноров гуайгаас гадна Х.Баттулга хөтөлж харагдсан. Харин өнгөрсөн 2013 оны Ерөнхийлөгчийн сонгуульд Б.Бат-Эрдэнийг өрсөлдөж байх үеэр Х.Баттулга: “Бид хоёр багын найзууд. Би 18-тай, Бат-Эрдэнэ 19-тэй шигшээд орж байсан. Намтар бол худлаа шүү. Орос, англи хэл байхгүй ээ. Хүн намтраа буруу бичээд ирэхээр л асуудал байхгүй юу. Үнэнээ л бичих хэрэгтэй шүү дээ.

Бөх барилдаж байгаад сургуульд сурна гэж байдаггүй юм. Би чинь их сургуульд зургаан удаа орсон хүн. Хамгийн удаан суусан нь нэг сар. За бүтэхгүй юм байна гээд больсон.

Бат-Эрдэнэ болохоор барилдаж байх үедээ суралцсаар байгаад хууль зүйн ухааны доктор болчихсон явж байгаа юм. Би Бат-Эрдэнийг муулаад байгаа юм биш” гэх зэргээр зад шүүмжилж байсан байх юм. Харин өнгөрсөн амралтын өдөр хүрдэг “Монгол тулгатны 100-н эрхэм нэвтрүүлэг”-ээр мань хоёр сайхан дурсамжаа сэргээж, бие биедээ урмын үг хайрлаж байгаа харагдана лээ. Эр хүний замын хүзүү урт гэдэг энэ биз.

PAPARATSI.MN