Малайзад амьдардаг Умард Солонгосын иргэдийн ихэнх нь тагнуул гэв

БНАСАУ-ын мянга гаруй иргэн Малайзад байнга оршин суудаг аж. Гэвч тэдгээрийн ихэнх нь тагнуулын үйл ажиллагаа явуулдаг болохыг тусгай албаныхан илрүүлсэн тухай Малайзын төрийн мэдлийн “Bernama” агентлаг мэдээллээ.

Учир нь Умард Солонгосын олон иргэн мэдээллийн технологийн салбарт ажилладаг байгөө  “тэдний зарим нь  Умард Солонгосын захиалгаар мэдээлэл цуглуулж байсан байх магадлалтай” гэж тусгай албаныхан үзсэн энэ аж.

Түүнээс гадна зарим умард солонгосчууд малайзчуудтай хамтран Малайзын Саравак мужид төмрийн хүдэр олборлох бизнес эрхэлдэг байна. Малайзад ажиллаж буй Умард Солонгосын иргэд цалингаа шууд бусаар авдаг аж. Тодруулбал, ажил олгогч нь цалин тавих мөнгөө Куала-Лумпур дахь Умардын элчин сайдын яаманд шилжүүлдэг байна. Үүний дараа дипломатчид уг мөнгийг Пхеньян руу аваачдаг аж.