М.Нандин-Эрдэнэ нэг сая ам.долларын төлөөх тэмцээнд хүч үзнэ

 БНСУ-д амьдарч буй олон улсын хэмжээний мастер М.Нандин-Эрдэнэ ирэх сарын 15-нд нэг сая ам.долларын бооцоот тулаанд оролцох болсноо зарлалаа. Тодруулбал, “Road FC” холбооноос шилдэг 16 тамирчинг өрсөлдүүлэх нэг сая ам.долларын шагналтай тэмцээнийг зарласан бөгөөд энэ тэмцээнд оролцох эрхийн төлөө М.Нандин-Эрдэнэ одоо хүч үзэх юм. Монголын боксын шигшээ багийн тамирчин явсан М.Нандин-Эрдэнэ БНСУ-ыг зорьж, холимог тулааны “Road FC” холбоонд элсээд багагүй хугацаа өнгөрч байна. Түүний өрсөлдөгч нь Бразилын тулаанч, Тайландын алдарт “TIGER MMA” клубийн тамирчин Бруно Миранда юм. Тэдний тулаан БНСУ-ын Сөүл хотод болох ажээ. М.Нандин-Эрдэнэ БНСУ-д холимог тулааны спортоор хичээллэх болсон талаараа “Үнэхээр дуртай болохоор хүний нутаг ч гэсэн спортгүйгээр амьдарч чадахгүй юм билээ. Ажлаас гэр рүүгээ харих замд бокс, холимог тулааны клуб байдаг байсан. Өдөр бүр хажуугаар нь хараад өнгөрдөг байсан ч тэсэлгүй нэг өдөр гүйж ороод бүртгүүлчихсэн. Түүнээс хойш мэргэжлийн болон сонирхогчийн тулаанд арав гаруй удаа “зодолдоод” байна” хэмээн ярьжээ.