Эмэгтэйчүүдийн “Нүцгэн жагсаал” юу өгүүлэв

Өчигдөр "Олон улсын эмэгтэйчүүдийн эрхийг хамгаалах өдөр" болж өнгөрлөө. Энэ өдөр дэлхийн түүхнээ хэд хэдэн удаа эмэгтэйчүүд өөрсдийн эрхийн төлөө жагссанаар олон улсад эмэгтэйчүүдийн өдөр болгон жил бүр тэмдэглэдэг болсон байдаг. Манай улсад ч мөн өргөн тэмдэглэгддэг уг баяраар Сүхбаатарын талбай дээр эмэгтэйчүүд эрхийнхээ төлөө жагсаж эсэргүүцлээ илэрхийллээ. Тэд хувцсаа тайлан зөвхөн дотуур хувцастайгаа -10 хэмийн хүйтэнд гадаа зогссон бөгөөд харин ордонд Ц.Элбэгдорж өөрийгөө би одонгийн хүүхэд хэмээн индэр дээрээс “хашгирч” 1000  ээжтэй патиараа татуулсан шигээ үл анзааран өнгөрөв.

Баярынхаа өдөр хань, үр хүүхдүүдтэйгээ баярлаж байхын хооронд дотуур хувцастайгаа зогсох тэднийг  эрх баригчдын оффшор дансны асуудал нүцгэн жагсаж, лоозон барихад хүргэсэн аж.  Лоозонд бичсэнээс харвал улс төрчдийг эсэргүүцсэн, оффшор данстай эрхмүүдийн талаар  үг хэллэг  нэлээд бичсэн харагдана.

Тодруулбал,"Оффшорчдыг зайлуул", "Хуйлгалсан хөрөнгөө эргүүлж өг", "Хулгайч дарга нар боль" гэх мэт үгс бичсэн лоозон барьсан байжээ. 

Нүцгэн эмэгтэйчүүдийг жагсаал хийж байх үеэр цагдаагийнхан ирж хүч хэрэглэн авч явсан бөгөөд  цагдаа нар тэднийг мөрдөж эхэлсэн талаар баттай эх сурвалжаас мэдээлсэн юм.

Бид энэ талаар эргэн мэдээлэх болно.

PAPARATSI.MN