Малайз, Хойд Солонгосын элчин сайдыг нутгаасаа хөөлөө

Хойд Солонгосоос Куала-Лумпурт суугаа бүрэн эрхт элчин сайд Кан Чолыг Малайзын Гадаад хэргийн яамнаас хөөх шийдвэр гаргалаа. Энэ талаар Малайзын Гадаад хэргийн яамнаас “Кан Чол ирэх даваа гаригийн оройн 06:00 цаг гэхэд манай улсаас гарсан байх ёстой” хэмээн мэдэгджээ. Хойд Солонгосын удирдагчийн эцэг нэгтэй ах Малайзад нас барсантай холбоотойгоор хоёр улсын хооронд үл ойлголцол үүсээд байгаатай холбогдуулан дээрх шийдвэрийг гаргасан гэх ба  дипломат харилцааны тухай Венийн конвенцийн дагуу Хойд Солонгосын элчин сайдыг “persona non grata” буюу “тааламжгүй этгээд” гэж үзэн хөөж байгаа аж.