“21000” нэвтрүүлгийн хоёр хүүхэн хэнд хамаа байна аа

            Нэг нь зөв хооллолтоор сайхан биетэй болж, нөгөөх нь нийгмээс ангид нэгэн ч байр сууриа олохын тулд өөрийнхөө залуу нас, эр зоригыг золиослож байгаа хоёр бүсгүй 25-дугаар суваг телевизээс зохион явуулдаг “21000” шоу нэвтрүүлэгт оролцож байгаа. Нэвтрүүлгийн хамгийн сүүлчийн дугаар гарахын өмнө хоёр биенийхээ шившгийг дэлгэж, сошиал ертөнцөөр үг хэл, үзэл бодлоо бие биенээсээ дутахааргүйгээр илэрхийлж байгаа нь олны анхаарлыг татаж байгаа. Гэвч, үнэндээ тэдний амьдрал, бэлгийн чиг хандлага, бүдүүн байгаад турсан эсэх нь хэнд ч хамаа байхгүй. Нэг нь уйлж, өрөвдүүлэх тактик хэрэглэж нэг их зовсон хүн болж харагдаж байгаа нь нэг бодлын өрөвдмөөр. Харин нөгөөх нь “Мятрашгүй Жулиа” аятай цээжээ дэлдэж байгаа нь бүр ч инээдэмтэй. Тэдний үлгэр дуурайлал залуу үеийнхэд нэг их ач холбогдол өгөхөөр “үзүүштэй үлгэр” лав биш. Гэхдээ Монголд ядсан аргаар олны танил болох хүсэлтэй эмэгтэйчүүд зөндөө л бий. Ганцхан энэ хоёроор тийм хүмүүс дуусахгүй ээ. 

Б.Цэцэгээ: Би 10 хоногийн турш Соког хүндэлж харьцаж байсан. Одоо бол чадахгүй...

21000 реалити шоуны оролцогч Б.Цэцэг “21000 релити шоу нэвтрүүлэг гараад  долоо хонож байна. Өнөөдөр 7 дахь дугаар нь гарна. Асуух асуулт байвал хариулах цаг нь болсон гэж бодож байна. Тус шоунд оролцож байхдаа би ажлаа хийгээд явж байсан. Нэгдүгээр сарын 16-нд энэхүү шоу маань дууссан гэдгийг хэлэх нь зүйтэй болов уу. Хоёр оролцогч маань 21000 реалити шоуны гурав дахь өдөр ярилцлага өгөх үеэр бие биенээ мэдсэн байсан. Нэг нь мэдээд, нөгөөх нь мэдээгүй байсан мэтээр яриад байх шиг байна. Магадгүй Солонго намайг мэдэхгүй байсан байж магадгүй, нэрийг маань тогтоохгүй байсан. Нэвтрүүлэг гарснаас хойш би янз бүрээр хэлүүлж байгаа. Би их олон зүйл дээр дуугуй байгаа. Соко маань эхлээд намайг гүжирдээд, нэлээд доромжилж байгаа. Би дуугуй л байгаад байгаа. Одоо ч гэсэн дуугуй байх ёстой. Хэн нь хэн бэ гэдэг нь 10 хоногийн дараа тодорхой болох байх. Тухайн хүн маань ч гэсэн энэ хүний талаар ийм юм цацна гээд болгоомжгүй, бүтэлгүй юм хийгээд байх шиг санагдаад байна. Би 10 хоногийн турш Соког хүндэлж харьцаж байсан. Одоо бол чадахгүй. Төгсгөлийн өдөр бид хоёр тэврэлдээд салсан. Гэтэл дараа нь надад ийм зан гаргана гэж төсөөлж байгаагүй. Би ээж хүн, эх хүн. Мөн би ажил хөдөлмөр хийдэг. Нэг зүйлийг хийх ёстой болов уу гэж бодож байна. Би өглөөнөөс орой болтол ажил хийдэг. Ажлынхаа завсраар хүмүүстэй уулзаад явдаг. Маш олон дүрс, уулзалтууд маань хасагдсан. Хоол хийж байгааг маань хүртэл хассан байсан. Үүнд телевизийг буруутгах албагүй. Миний хийх ажил их байгаад байдаг, гэтэл Сокогийнх бага байдаг. Тиймээс  эфирийн блансыг нь барихын тулд миний бүх ажлыг хассан байгаа. Соко маань өдөржингөө зочид буудалдаа байгаад хааяа нэг гараад 500 төгрөгөө үрээд байх шиг харагдана лээ. Тиймээс Сокод тааруулахын тулд миний ажлын хэсгүүдээс зөндөө хассан байсан...” гэжээ.

Б.Солонго: Миний өрсөлдөгч Б.Цэцэгтэй холбоотой долоон баримт надад бий

Харин тус нэвтрүүлгийн оролцогч трансжендер Б.Солонго: “Энэ лайв маань тодорхой зорилготой. Энэ лайвыг би баасан гаригт хийхээр төлөвлөж байсан ч нөхцөл байдалдаа таруулаад одоо хийж байна. 21000 шоу маань дуусчихсан байгаа. Энэ баасан гаригт төгсгөлийн дугаар нь гарна...Би энэхүү шоунд гоо сайхны болон миссийн тэмцээнд оролцоогүй. Мөн хэн нь тогооч, хэн нь тогооч биш вэ гэдгээ мэдэх гэж ороогүй. Ард түмнийхээ өмнө шударга байх гэж, үнэнчээр оролцох туйлын хүсэл эрмэлзлээр 25 дугаар суваг телевизээс тавьсан саналыг хүлээн авч, зориглоод амжилттай оролцсон. Одоо хэн нь ялагч вэ гэдгийг хэлэх эрт байна. Үр дүн нь хараахан гараагүй байна. Гэхдээ өөрийнхөө амьдрал дээр, өөрийн үзэл бодлынхоо түвшинд болон ард түмнийхээ дунд би өөрийгөө хангалттай ялагч байсан гэж хэлмээр байна. Би өрсөлдөгч Б.Цэцэг гэдэг бүсгүйн өдөр хийсэн лайвын хэсгээс үзүүлье. Өрсөлдөгч маань ийм лайв хийж байгаад би сэтгэл дундуур байна. Яг одоо миний утсан дээр өрсөлдөгчтэй маань холбоотой долоон ширхэг баримт байна. Үүнийг би хуулийн эрх бүхий байгууллагад гаргаж тавина. 21000 шоуны үеэр Цэцэг бид хоёр чадах чинээгээрээ өөр өөрсдийн ажил, амьдралыг харуулах гэж хичээсэн байх. Би ч гэсэн өөрийн ажил, амьдралыг үнэн бодитоор харуулахын тулд өөрийгөө болон үзэгчдээ хүндэлж өдийг хүрлээ. Өрсөлдөгчийн маань хэлж байгаагаар өөрийнх нь бүх дүрсийг нь хасаад Солонгоод тааруулж, монтаж хийсэн гэж байна. Энэ үгүй юм аа. Би ч ялгаагүй өглөөнөөс орой хүртэл ажилладаг. Шоунд оролцох үед миний амралтын үе таарсан. Гэсэн хэдий ч би амарч байгаа гээд буудалдаа хэвтээд байгаагүй, өдөржин уулзалт хийгээд, гоо сайхны зөвлөгөө өгөөд явж байсан. Тэдгээрийг ч гэсэн адилхан хассан байсан...Монголын ард түмэн нэгийг бодож, хоёрыг тунгаадаг ард түмэн. Нэвтрүүлэг гарснаас хойш намайг ч гэсэн хэлэх хэлэхгүйгээр хэлж байсан. Би чимээгүй л байсан. Өөрийнх нь хэлж байгаа шиг би түүнийг эх хүн, ээж хүн гээд хүндэлсээр ирсэн. Гэтэл тэр хүн өөрийгөө надтай харьцуулшгүй гэж хэлж байна. Миний хувьд нэг зүйлийг хэлэхэд би өөрийгөө эх хүн, ээж хүн гэж хэлүүлэх албагүй. Гэхдээ би бол хүн. Орчин үеийн техник, технологийн ийм өндөр хөгжилтэй нийгэмд хэн нь ч хүүхэдтэй болох боломжтой болсон. Гэхдээ хүүхдээ үнэнч, шударга, хайр энэрлээр бялхсан нийгэмд өсгөж, хүмүүжүүлэх хэрэгтэй гэж бодож байна ” гэлээ.

Эх сурвалж: EAGLE.MN