Олимп болсон Рио орвонгоороо эргэжээ

Ердөө зургаахан сарын өмнө Рио-де-Жанейрод зуны олимпийн наадам болсон гэхэд төсөөлөмгүй. Олимпод оролцохоор дэлхийд шигшигдсэн мянга мянган тамирчид, олон мянган сэтгүүлч, албаны хүмүүс завсар зайгүй холхилдож байсан Риогийн Олимпийн тосгон одоо эзгүйрэн сүйрч, олимпийн ширүүн өрсөлдөөн өрнөж байсан цэнгэлдэх, талбайнууд хөсөр хаягджээ.

Эрчим хүчний төлбөрийг төлөх хэн ч байхгүй болохоор алдарт “Маракана” цэнгэлдэх цахилгаангүй, таг харанхуй болсон гэнэ. Усан спортын тамирчдын бэлтгэлээ базааж байсан усан сангийн ус нь өмхийрч, зэвэрч, намаг балчиг мэт болжээ. Риогийн борчуудын хорооллын дунд орших “Маракана” цэнгэлдэхийн ногоон зүлэг шарлаж, хүрэнтээд, үзэгчдийн суудлууд энд тэндээс ховхорч халцран, заримыг нь хуу татаад хаячихсан гэнэ.

Зуны 31 дэх олимпийн наадмаас хойш зургаан сарын дараа “Олимпийн нийслэл” Рио-де-Жанейро дахь спортын бүтээн байгуулалтууд ийм дүр зурагтай харагдах болжээ.

Олимпийн гольфын талбайг байгуулахад гурван жилийн хугацаа зарцуулсан. Огт хөндөгдөөгүй, байгалиараа үлдсэн талбайд барьсан болохоор тухайн үедээ ард түмний зүгээс ихээхэн эсэргүүцэлтэй тулгарч байсан юм. Харин одоо бүх юм дууссан, хов хоосон.

Эх сурвалж: NEWS.MN

Олимпийн тосгон ч мөн “сүнсний хот” болжээ.

Бэлтгэлийн усан сангийн ус нь шарлаж, зэргэлдээх байгууламж мөн л сүйдэж эхэлжээ.

Усан сангийн уснаас эвгүй үнэр ханхлах болжээ.

Зэргэлдээх байгууламж ч мөн эзгүйрсэн байна.

Усан спортын төвийн доторх байдал.

Деодоро спорт цогцолборын үүдэнд “ажиллахгүй байгаа” гэсэн бичиг хаджээ.

Олимпийн сагсан бөмбөг болон бусад тэмцээнийг зохион байгуулж байсан Кариоко аренагийн гадна.

Олимпийн бэлгэдэл болсон таван цагаргийн даавуугаар халхалсан нь захаасаа хууран унажээ.

Алдарт “Маракана” цэнгэлдэх...

Зүлэг нь шарлаж, суудлууд нь энд тэндээсээ алга болжээ.

Зарим сандлыг сууриар нь салгаад орхисон байна.

Баг тамирчид, дасгалжуулагч, албаны хүмүүст зориулсан сандлууд ч муудаж эхэлжээ.

“Маракана” цэнгэлдэхийн телевизийн шууд дамжуулах өрөө.

Цэнгэлдэхийн сандлуудыг бөөгнүүлж овоолжээ.

Хэвлэл мэдээллийн төвийг саяхан нураасан байна.

Нуранги...

Элсний волейболын талбайд хааяа нэг тэмцээн уралдаан зохион байгуулж байгаа гэнэ.

Хамгийн харамсалтай нь, тэнд олимп ердөө зургаахан сарын өмнө болсон.