Хилийн чанадад Монгол эрдэмтдийн тухай бүтээл хэвлэгджээ

Хилийн чанадад нэгэн гайхалтай ном хэвлэгдэн гарчээ. "XX зууны Хятадын монгол эрдэмтэн-Ли Сигуан, Лян Шүмин, Шяо Чянь, Ай Сичи" нэртэй уг номыг БНХАУ-ын Жилин мужийн монгол үндэстэн, зохиолч Бао Гуанлин арваад жилийн хугацаанд судалгаа, шинжилгээ хийсний эцэст хэвлэн гаргажээ. Номонд Хятадад төрж өссөн дөрвөн монгол эрдэмтний намтар, эрдэм шинжилгээний бүтээл, Хятад улс болон хүн төрөлхтний хөгжил дэвшилд оруулсан хүчин зүтгэл, хувь нэмрийг өгүүлэх учир зүйн ач холбогдолтой бүтээл учраас манай улсад хамааралтай, анхаарлаа хандуулахаар оюуны бүтээл болж буйгаараа онцлог юм.

Энэ номонд орсон эрдэмтнүүдийн тухайд зохиолч Бао Гуанлинь: "Энэ номонд бичсэн дөрвөн хүн бүгдээрээ монгол үндэстэн. Би монгол хүн болж төрсний хувьд тэдний түүх намтрыг илүү их сонирхон уншдаг байлаа. Ялангуяа тэдний үнэнч шударга зан чанар, эр зоригийг бахархан, хүүхэд залууст танилцуулахыг зорьж арваад жил хичээн зүтгэсний эцэст энэ номыг бичиж дуусгасан" хэмээн сэтгэлээ уудалжээ. 

PAPARATSI.MN