Нийслэлчүүдэд цасаар урласан хулхи “Аз жаргалтай Улаанбаатар” хэрэггүй

гөрсөн бямба гаригт “Хүй долоон худаг” дахь “Монгол наадам цогцолбор”-ын “UB resort” цанын баазад “Мөнгөн Улаанбаатар” өвлийн спортын наадам, цасны баяр болжээ. Нийслэлийн нутгийн захиргааны байгууллагуудын дунд зохион байгуулагдсан уг арга хэмжээнд иргэд ч олноор оролцож.

Амралтын өдрөөр хотоос зайдуухан цэвэр агаарт гарч, чөлөөт цагаа өнгөрүүлэх нь зөв хэрэг ээ. Харин тэнд цасаар урлаж тавьсан бүтээлүүд олон хүний эгдүүцлийг сошиалд төрүүлээд байна. “Аз жаргалтай Улаанбаатар” байгуулна гэж нийслэлчүүдийг даапаалсаар удаж буй хотын мэр Су.Батболд “Утаагүй Улаанбаатар”, “Эко хот”, “Аз жаргалтай хот” гэх зэргээр цасан дээр бичүүлжээ.

Урин цаг наашилмагц хайлан урсах цасан дээрх нийслэлийн мэрийн мөрөөдлөөр ч яахав. Ганцхан үдэш нийслэлийн хойд захын хорооллууд, Баянхошуу, Хайлааст, Дэнжийн мянгаар цасан мөрөөдлүүдээ бариад яваад үзвэл бодит байдал дээр хүн амьдрахад хэдэн зуу дахин гамшгийн байдалтай болчихсон байгааг багахан ч атугай ойлгох биз.

POLITIK.MN