Ардчилсан намын даргаар С.Эрдэнэ СОНГОГДЛОО

AH-ын даргын сонгуулийн дүн гарлаа.

Сонгуулийн дүнг нэгтгэх ажиллагаа шөнөжин үргэлжилж, урьдчилсан мэдээллийг гаргаад байна.

Нийт 20 аймаг, найман дүүрэг дүнгээ ирүүлж, нэгтгэж үзэхэд С.Эрдэнэ 2714.45 оноогоор тэргүүлж, Н.Алтанхуяг 1640.60, Л.Гантөмөр 1279.43, Ж.Батзандан 1012.36, Д.Эрдэнэбат 801.31 оноо тус, тус аваад байгаа аж.

Нэр дэвшигчид нийт дүнгээрээ 8350 оноо авах ёстойгоос 7450 оноо цуглуулжээ.

Ардчилсан намын даргад өрсөлдсөн нэр дэвшигчид, мөн сонгууль зохион байгуулах хорооны зүгээс өнөөдөр 12.00 цагт Төрийн ордны “А” танхимд мэдээлэл хийхээр төлөвлөөд байна.

УИХ-ын гишүүн, АН-ын бүлгийн дарга С.Эрдэнэ 12 аймаг, зургаан дүүрэгт ялснаар Ардчилсан намын дарга болжээ.

Харин өрсөлдөгч Н.Алтанхуяг нийт есөн аймаг, Сонгинохайрхан дүүрэгт ялсан бол Л.Гантөмөр таван аймаг, Сүхбаатар дүүрэгт, Д.Эрдэнэбат гурван аймаг, Багануур дүүрэгт, Ж.Батзандан нэг аймагт ялсан байна.

Нэр дэвшигчид аль аймагт ялалт байгуулсан талаарх мэдээллийг багцлан хүргэе.

• Архангай аймаг /С.Эрдэнэ/
• Дархан-Уул аймаг /С.Эрдэнэ/
• Чингэлтэй дүүрэг /С.Эрдэнэ/
• Баянзүрх дүүрэг /С.Эрдэнэ/
• Баянхонгор аймаг /С.Эрдэнэ/
• Булган аймаг /С.Эрдэнэ/
• Хөвсгөл аймаг /С.Эрдэнэ/
• Налайх дүүрэг /С.Эрдэнэ/
• Багахангай дүүрэг /С.Эрдэнэ/
• Баянгол дүүрэг /С.Эрдэнэ/
• Хан-Уул дүүрэг /С.Эрдэнэ/
• Төв аймагт /С.Эрдэнэ/
• Завхан аймаг /Н.Алтанхуяг/
• Баян-Өлгий аймаг /Н.Алтанхуяг/
• Ховд аймаг/Л.Гантөмөр/
• Багануур дүүрэг /Д.Эрдэнэбат/
• Сонгинохайрхан дүүрэг /Н.Алтанхуяг/
• Говь-Алтай аймаг /Н.Алтанхуяг/
• Хэнтий аймаг/Д.Эрдэнэбат/
• Дундговь аймаг /Н.Алтанхуяг/
• Өмнөговь аймаг /Н.Алтанхуяг/
• Өвөрхангай аймаг /Л.Гантөмөр/
• Сүхбаатар аймаг /Ж.Батзандан/
• Сэлэнгэ аймаг /Д.Эрдэнэбат/
• Орхон аймаг /Н.Алтанхуяг/
• Сүхбаатар дүүрэг /Л.Гантөмөр/
• Дорнод аймаг /Н.Алтанхуяг/
• Говьсүмбэр /1. Л.Гантөмөр, 2. Н.Алтанхуяг/
• Дорноговь аймаг/1.Л.Гантөмөр, 2.Ж.Батзандан/
• Увс аймаг /1. Н.Алтанхуяг, 2. Л.Гантөмөр/

Б.Энх-Уянга

www.zindaa.mn