ПРОКУРОР Х.ТАМИРТ ТАВАН ЖИЛИЙН ХОРИХ ЯЛ ОНООЛОО

Хар тамхины хэрэгт холбогдон удаан хугацаанд шалгагдсан Тээврийн прокурорын газрын хяналтын прокурор Х.Тамир нарт холбогдох хэргийн шүүх хурал өчигдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхэд болж өндөрлөлөө. Х.Тамир, Л.Жавхлан, Н.Мөнхбат, Н.Сүхбаатар, Б.Амарбаясгалан нарыг Эрүүгийн хуулийн 188.3, 192.1, 192.2, 272.2, 169.1, 168.2 гэсэн зүйл ангиар шүүсэн юм.

Тэднийг “мөс” хэмээх мансууруулах бодис худалдан авч байхад нь үйлдэл дээр нь барьж, эрүүгийн хэрэг үүсгэн шалгасан билээ. 

Улмаар шүүх бүрэлдэхүүн Н.Сүхбаатарт 6.5 жилийн хорих ял, Х.Тамир болон хамсаатан гэх Б.Амарбаясгалан, Н.Мөнхбат, Д.Жавхлан нарт тус бүр таван жилийн хорих ял оноолоо.