ОХУ-ын ЭСЯ руу их буугаар бууджээ

Сирийн нийслэл Дамаск хотод ОХУ-ын Элчин сайдын яамны байр руу босогчид өчигдөр их буугаар хоёр удаа буудсан гэж Оросын Гадаад харилцааны яам мэдээллээ.

Тэдний уламжилснаар их бууны сум хашаан дотор унаж дэлбэрээгүй байна. Сумнуудыг даруй аюулгүй болгосон. Хүн шархдаж эндээгүй гэж албаныхан мэдэгдсэн байна.

Энэ оны аравдугаар сард босогчид Дамаск дахь ОХУ-ын Элчин сайдын яам руу их буугаар буудсан ч хүний амь эрсдээгүй юм.

Хэдийгээр Сирийн эрх баригч Башар Ал-Ассадын цэргүүд нийслэлийн орчимд босогчдын эсрэг ажиллагаа явуулж байгаа ч зарим дүүрэгт хяналтаа тогтоож чадаагүй байна гэж хэвлэлүүд мэдээлжээ.