Чуулган хуралдаад дуусах гэж байхад залуу гишүүд ажилдаа ирж байна

УИХ-ын гишүүд сүүлийн хэдэн долоо хоногт чуулганы хуралдаан болон байнгын хороодын хуралдааны ирцээ бүрдүүлэхгүй байгаа билээ. Өнөөдрийн чуулганы хуралдаан ч мөн ялгаагүй ирц дутуу байв. УИХ-ын дэд дарга Ц.Нямдорж хурал удирдсан болоод ч тэр үү намын гишүүдээ шүүмжлээд авна лээ.

Уг нь МАН олонхи үед хурлын ирц бүрдүүлэх асуудалгүй баймаар. Гэтэл зарим гишүүд хуралдаа ч суухгүй, зарим нь хурал дуусах гэж байхад ирж байв. Тодруулбал, УИХ-ын залуу гишүүдийн нэг  Л.Оюун-Эрдэнэ 16.58 цагт чуулганы хуралдаанд ирэв. УИХ-ын дэд дарга Ц.Нямдорж “Гишүүд ээ, баяртай үйл явдал боллоо. Л.Оюун-Эрдэнэ гишүүн ажлын цаг дуусч байхад хуралдаандаа ирлээ. Өвчтэй гэж дуулдсан. Гэхдээ үүнийгээ УИХ-ын Тамгын газарт мэдэгдэж байх хэрэгтэй. Өдөржин Д.Гантулга та хоёрыг хайлаа” гэсэн юм. Түүнчлэн Н.Учрал 15.35 минутанд ирсэн бол Сү.Батболд гишүүн 16.36 цагт ажилдаа ирлээ. Түүнийг ямар нэгэн арын хаалга байхгүй шүү хэмээн хурал даргалагч зарлаад авсан юм.

Medee.MN