БНАСАУ цөмийн зэвсэг туршихаар зэхжээ

БНАСАУ-ын удирдагч Ким Чен Ун Өмнөд Солонгостой хиллэдэг нутгийн газрын гүнд 20 гаруй хонгил ухаж, ашиглалтад оруулахад бэлэн болсон гэж НҮБ-ын албаны эх сурвалж мэдээлжээ. Эдгээр хонгилыг бэлтгэх болсон зорилго нь цөмийн бөмбөг турших үйл явцын хүрээнд байгуулсан гэсэн мэдээлэл гараад байна.  

  Өмнөд Солонгосын хилийн алба 2014 онд яг ийм цэргийн зориулалттай байж болзошгүй газар доорх хонгилыг илрүүлэн, 1990 оноос эхлэн ухаж байсныг ийнхүү олж мэджээ. БНАСАУ урьд нь буюу хамгийн анх 1978 онд 73 метр урт газар доорх хонгил ухаж, бэлдэн түүгээр явган цэрэг нэвтрүүлэхээр бэлтгэж байсан аж.

Эх сурвалж: Breakingnews.mn