Хэлсэндээ л байгаасай даа

УИХ-ын сонгууль бол хууль тогтоох дээд байгууллага. Үүнд хуульч хүмүүс, улс төрийн мэдлэг, дадалтай, ард түмнийхээ төлөө ажиллаж чадах мөн нийгмийн олон салбарт ажилласан туршлагатай нэгэн сонгогдох учиртай. Аливаа улс орнууд ард түмний төлөөллүүдээрээ “зөв” хүмүүсийг сонгож чадвал л тухайн улс хөгждөг жамтай. Тэгвэл Монголд яг л эсрэгээрээ. Хэн дуртай  нэгэн нь ялангуяа “мөнгөлөг” эрхмүүд энэ удаагийн сонгуульд нэр дэвшиж байгааг хараад гайхах хүмүүс цөөнгүй. 

Өвөрхангай аймгийн Хужирт сумын харьяат, Монгол улсын аварга Д.Сумьяабазар нийслэлийн Сонгинохайрхан дүүрэгт МАН-аас нэр дэвшиж байна. Өөрийн гэсэн банктай, мөнгөтэй бөх маань сонгуулийн сурталчилгааны ажил гээд тун чиг завгүй явна. Ингэж завгүй яваад бидний папараци дуранд өртлөө. Анх түүнийг нэр дэвшиж байна гэж сонсоод “цочиж” л байлаа.

Гэвч улс төрийн туршлага хуримтлуулаад, ажиллах “бай”-гаа сайн судалж чадсан л бол УИХ-д гарсан хойноо ард түмнийхээ үнэнч дуу хоолой болж, хөгжлийн төлөө сэтгэл зүрхээрээ зүтгэх л ёстой.