УИХ-ын чуулганы баасан гаригийн хуралдаанаар /2016.10.21/ 2017 оны төсвийн хуулийн төслийг дагалдаж мэдүүлэгдсэн төслүүдийг хэлэлцэх үеэр УИХ-ын дэд дарга Я.Санжмятав дэд сайд нарыг цомхотгох санал хэлсэн ч Сангийн сайд Б.Чойжилсүрэн хүлээн авах боломжгүй гэдгээ товч илэрхийллээ. Учир нь Сангийн сайдад дэд сайд нь түшиг тулгуур болж, ажлаас нь нугалалцаж байгаа аж.

Ийм асуудлыг ганц Б.Чойжилсүрэн сайд ч тавьж буй юм биш. Өмнөх Засгийн газарт Сангийн сайдаар ажиллаж байсан Б.Болор мөн дэд сайд нарыг цомхотгосны дараа “Дэд сайдгүй болчихсон, ажил дийлдэхгүй асар хүнд байна” гэх үгийг унагаж, нөхдөө хөгжөөж байсан явдал бий.

Харин энэ удаад Сангийн сайд Б.Чойжилсүрэн дэд сайдыг цомхотгочихвол ажил нугалалцах хүнгүй болж хэцүүдэх талын асуудал хөндсөн нь ад үзэгдээд байгаа дэд сайдын албан тушаал ч зарим талаараа хэрэгтэй л байдаг бололтой юм.