Азийн тэрбумтан Жек Магийн залууст өгсөн зөвлөгөө

Admin

2016/07/26

Хятадын тэрбумтан, дэлхийн цахим худалдааг атгасан “Alibaba”-ийн эзэн Жек Ма өчигдөр Монголд хүрэлцэн ирсэн. Тэрээр Их аварга Д.Дагвадоржийн урилгаар Монголд ажиллаж, амрахаар ирсэн бөгөөд дөрөв хоног саатах аж.
Энэ хугацаанд Жек Ма технологийн чиглэлээр суралцаж буй оюутнуудад лекц унших юм байна. ТүүнийМонгол залууст зориулсан лекц энэ сарын 27-нд "Шинэ Монгол" технологийн дээд сургуулийн байранд болох ажээ.

Тэгвэл Жек Ма залууст хэрхэн зөвлөдөг вэ. Тэрээр Өмнөд Солонгост болсон нэгэн уулзалт дээр залуу үеийнхэнд хандаж дараах зөвлөгөө өгчээ.

Алдаа хийхээс бүү ай. Алдаа болгон чамд үнэлж баршгүй хөрөнгө болж үлдэнэ.
20 нас хүртлээ маш сайн сурагч бай. Энэ насанд сурахаас өөр ажил байхгүй.
25 насандаа санаа зоволгүйгээр хангалттай их алдаа хий. Унаад босоод, унаад босоод л бай. Зүгээр л зугаац.
30 нас хүртлээ хэн нэгнийг дага. Хэрвээ том компанид ажиллавал ажил хийх арга барилд суралцана.Чи нэг том машины нэгээхэн хэсэг л болно.
Харин жижиг компанид ажиллавал чи мөрөөдөлтэй, хийх бүтээх эрмэлзлэл, тэмүүлэлтэй болно. Маш ихийг сурна.

30 хүрэхээсээ өмнө ямар компанид ажиллахаасаа илүү ямар удирдагчийг дагах нь маш чухал асуудал. Сайн удирдагч чамд ихийг сургана.
30-40 насандаа өөрөөсөө “би өөрийнхөө төлөө ажиллах цаг болсон уу?” гэж асуу. Үнэхээр бизнесмэн болъё гэж бодож байвал.
40-50 насандаа өөрийн хамгийн сайн чадах зүйл дээрээ төвлөрч ажилла. Олон юм руу ороод хэрэггүй, ингэхэд дэндүү оройтсон байх болно. Энэ насанд хэрхэн хамгийн сайн чадах зүйл дээрээ төвлөрөх тухай бод.
50-60 насандаа зөвхөн залуу үеийнхний төлөө ажилла. Яагаад гэвэл тэр үед залуус чамаас илүү хийж, ажиллаж чаддаг байх болно. Тэдэнд хөрөнгө оруул.
60 наснаас хойш зөвхөн өөртөө санаа тавь. Наран шарлагийн газар хэвтэж байх нас.