Хятад иргэд нэгнийгээ айлган сүрдүүлж, заналхийлжээ

Онцгой байдлын албаны  удирдлагууд ажилчдынхаа нийгмийн асуудал, аятай тухтай ажиллаж амьдрах боломжийг бүрдүүлэх тал дээр шат дараалсан олон ажлуудыг хийж гүйцэтгэж байгаа билээ. Орон сууцжуулах төсөл хөтөлбөрийн хүрээнд Амгалан дахь 063-р аврах гал унтраах ангийн хашаанд 300 айлын орон сууцыг бариулахаар  “Цээб” ХХК-тай хамтран 2016 оны 12 сард ашиглалтанд оруулахаар гэрээ байгуулан ажиллаж байгаа юм байна.

Гэтэл уг орон сууцны барилга дээр ажиллаж байгаа хятад иргэд нэгнийгээ сүрдүүлж, заналхийлсэн хэрэг гарчээ. Тодруулбал өнгөрсөн лхагва гаригт Баянзүрх дүүргийн наймдугаар хороо,  “Гал унтраах 063-р ангийн гадна Хятад хүмүүс хоорондоо маргалдаад байна“ гэсэн мэдээлэл цагдаагийн байгууллагад иржээ.  Үүний дагуу шалгахад  ОБЕГ-ын 063-р ангийн 520 айлын орон сууцны барилга дээр ажиллаж байгаа БНХАУ-ын иргэн 27 настай эрэгтэй Ф , 32 настай эрэгтэй Г нар барилгын даамал 35 настай эрэгтэй Х-тэй сул зогсолтын хөлснөөс болж марган, айлган сүрдүүлж заналхийлсэн байжээ. Уг хэргийг баянзүрх дүүргийн цагдаагийн гуравдугаар хэлтэст шалгаж байна.

Medee.mn