“Playtime” наадмын үеэр мансууруулах ургамал авч явсан залуусыг шалгаж байна

“Монгол шилтгээн"-д гурван өдөр үргэлжилсэн “Playtime” наадам өндөрлөлөө. Наадмын үеэр хэсэг залуус мансууруулах үйлчилгээтэй байж болзошгүй ургамал цүнхэлж явсныг цагдаагийнхан илрүүлжээ. Тухайлбал, 20 настай эмэгтэй А, 20 настай эрэгтэй Б, 19 настай эрэгтэй А нарын цүнхнээс нэг боодол тамхи ороодог цаас, соруул, 46 ширхэг ногоон өнгийн ургамал, нэг боодол гар аргаар ороосон найман ширхэг тамхийг эд мөрийн баримт болгон хураан авчээ. Одоогоор энэ хэргийг Баянзүрх дүүргийн цагдаагийн гуравдугаар хэлтэст шалгаж буй юм байна.

Эх сурьалж: Medee.mn