Их аваргатай зоог барих “мөрөөдөлтэй” дуучин С.Марта хаана явна вэ

Цөөхөн хэдэн дуугаараа залууст танигдаж, рок попын ертөнцөд чимээгүйхэн орж ирсэн дуучин С.Наранбилэг буюу Марта хэвлэлийн хуудсыг нүцгэн шахуу зураг, үнэн худал нь мэдэгдэхгүй амрагийн явдлаараа “чимдэг” гэхэд хилсдэхгүй биз. Сүүлийн үед рок попын уран бүтээлчдийн дунд танил болоод байгаа яруу найрагч ZZ-тэй үерхэж, хамтран амьдарч байсан түүний хувьд найз залуугаасаа салснаас хойш олны нүдэнд өртөхөө больсон гэдэг.

Харин нэгэн хэвлэлд өгсөн ярилцлагадаа “Насаар ах хэдий ч сексийн хувьд үнэхээр сайн хамтрагч болж байгаа нэг хүн бий. Тэр хүнтэйгээ хоёр хоноод л уулздаг. Үнэндээ надад сексгүйгээр удаан байх нь маш хэцүү зүйл” гэж илэн далангүй хүүрнэсэн нь олон хүнийг гайхашруулсан байх. Гэтэл төд удалгүй тэрбээр их аварга Д.Дагвадоржтой “нэр холбогдож”, дэлхийд алдартай LV брэндийн дэлгүүрийг түйвээсэн гэх ярианд өртөөд хэсэгтээ л “од” болж амжсан. Дуучин бүсгүй дагуулж уг дэлгүүрт орж ирсэн их аварга халамцуу байсан төдийгүй түүндээ баахан эд зүйл авч өгчихөөд мөнгө нь дутаж, худалдагчтай үл ойлголцсоны улмаас шил толийг нь хагалсан гэх мэдээлэл хэвлэлээр цацагдаж байлаа.

Их аварга энэ талаар ямар нэгэн мэдэгдэл гаргаагүй ч, түүнээс урьтаж дуучин бүсгүй хэвлэлийнхэнийг залж “Би тэр хүүхэн чинь биш ээ. Аваргыг таних ч үгүй. Гэхдээ намайг хоолонд уривал татгалзахгүй шүү” хэмээн хальт аалигүйтээд авсан удаатай. Үүнээсээ болж багагүй хэл аманд өртсөн дуучин С.Марта одоогоор шинэ уран бүтээлийн ажилтай байгаа бөгөөд тун удахгүй цоглог хэмнэлийн дуунуудаар фэн залуустайгаа уулзахаа амласан гэнэ шүү.

С.Цахиур

www.zone.mn