МАН-ыг иргэний нийгмийн төлөөллүүд дэмжлээ

Монгол Ардын нам нийгмийн бүхий л анги давхаргын асуудалд арга зам, гарц шийдлийг хайсан мөрийн хөтөлбөрийг боловсруулж иргэдэд танилцуулсан билээ. Үүнийг дэмжиж, “Монголын чинээлэг дундаж давхарга” ТББ, “Хилчий бахархал”ТББ, Хөгжлийн бэрхшээлтэй иргэдийн төлөө ажилладаг “Хөгжлийн бэрхшээлтэй хүүхэдтэй эцэг эхийн холбоо”, Монголын хараагүйчүүдийн үндэсний холбоо”, “Монголын тэргэнцэртэй иргэдийн үндэсний холбоо” зэрэг 18 байгууллага хамтран ажиллах санамж бичигт гарын үсэг зурлаа.  Энэ арга хэмжээнд МАН-ын нарийн бичгийн дарга Т.Гантулга болон иргэний нийгмийн байгууллагуудын төлөөлөл оролцлоо. Санамж бичигт гарын үсэг зурсан байгууллагууд МАН-ын мөрийн хөтөлбөрийг бүрэн дэмжиж байгаагаа илэрхийлээд нийгмийнхээ бүхий л анги давхаргад зохицсон зөв бодлогоор дэмжиж ажиллах улс төрийн хүчин гэж үзэж буйгаа хэллээ. 

Эх Сурвалж: МАН-ын сонгуулийн штаб