Золоо дахиад л ганц биечүүдийн эгнээнд шилжлээ

Сургуулиа төгсөөд чөлөөт уран бүтээлч болох үедээ охиныхоо аав Б.Тамираас салсан жүжигчин Э.Золзаяа одоо “Маск” продакшинд харьяалагддаг билээ. Хоёр жилийн өмнөөс эхлэн Америкт өсвөр насаа өнгөрөөсөн, боловсрол хүмүүжил сайтай Б.Учрал гэх залуутай хамт амьдрах болсон тэрбээр хайрттайгаа цуг хэвлэлийн хуудсыг чимж явсан цаг саяхан. Анхны нөхрөөсөө салаад шоудах нь хэрээс хэтэрч, улмаар өөртэйгээ адил бүсгүй хүнийг зодсон гэгдэн эрүүгийн хэрэгт холбогдож явсан дэггүй Золоо шинэ хайр дурлалтай учирснаар нэлээд томоожсон гэдэг.

“Zolo’s” нэртэй гоо сайхан, үсчний салон байгуулж өгсөн найз залуугийнх нь хамаатнууд Америкаас үнэтэй бүтээгдэхүүн илгээж, ажил үйлс нь тун дажгүй эхэлсэн жүжигчин Золоо харамсалтай нь дахиад л ганц бие хоцорсон сурагтай. Чухам юуны учир ийнхүү салж сарних дээрээ тулсан нь тодорхойгүй ч, тэд хэдийнэ тус тусынхаа зам мөрийг хөөх болсон гэнэ шүү.

В.Баяраа