ЭЕШ ирэх долоо хоногт эхэлнэ

Admin

2016/06/12

Их, дээд сургуульд элсэн суралцах эрхээ авах элсэлтийн ерөнхий шалгалт ирэх долоо хоногийн лхагва гаригт буюу зургаадугаар сарын 15-нд эхэлнэ.

Ингэхдээ суурь шалгалт болох монгол хэлний шалгалтаар эхлэх юм. Мөн энэ жилийн элсэлтийн ерөнхий шалгалтын журамд монгол хэл ,англи хэл, орос хэлний шалгалтын агуулгад сонсоод ойлгох чадварыг шалгах даалгаврыг нэмж оруулахаар заасан .Үүнтэй холбоотойгоор хөдөө орон нутгийн шалгалтын байруудад сонсох тоног төхөөрөмжийг бүрэн суурилуулж дууссан байна.

Улаанбаатар хотын шалгалтын байруудад тавих тоног төхөөрөмжийн тендэрийг сангийн яамнаас дахин зарлаж шалгаруулалтын хугацаа нь ЭЕШ-аас хойш болох тул энэ жилийн сонсох чадварын даалгаврыг авахгүйгээр хуучин шалгалтын бүтцээрээ авах болсныг мэдэгдэж байна.

Харин хөдөө орон нутагт туршилтын журмаар дүн оноонд нөлөөлөхгүйгээр сонсоод ойлгох чадварыг шалгах даалгаврыг авна.

2016 ОНЫ ЭЛСЭЛТИЙН ЕРӨНХИЙ ШАЛГАЛТЫН ХУВААРЬ

Сар/өдөр	Цаг	Шалгалт
06 дугаар сарын 15	12:00 – 13:40	Монгол хэл бичиг
06 дугаар сарын 16	10:00-11:20	Монгол улсын түүх
	13:00-14:40	Хими
	16:00-17:20	Англи хэл
06 дугаар сарын 18	08:30-09:50	Газар зүй
	11:30-13:10	Математик
	14:30-15:50	Биологи
	17:00-18:20	Монгол хэл
06 дугаар сарын 19	08:00-09:40	Физик
	11:30-12:50	Нийгмийн тухай мэдлэг
	14:20-15:40	Орос хэл