Ж.Цолмон Хөвсгөлд гарч “амжих уу”

Admin

4 цаг 25 минутын өмнө

Эрүүл мэндийн дэд сайд асан Ж.Цолмон 2008 оноо өмнө бол ёстой л “сураггүй” байсан гэхэд хилсдэхгүй. Дэд сайдын суудалд очмогцоо гадаад төрх байдлаараа олны анхаарлыг татсан тэрбээр улстөрд орсон шиг орохыг хүссэн бололтой. Өөрөөр хэлбэл энэ удаагийн сонгуульд Хөвсгөл аймгаас өрсөлдөхөөр бэлтгэл ажилдаа орсон гэх. Шүдний эмнэлэгтэй гэхээс өөр намтар түүх багатай түүийг Ерөнхий сайд С.Баяртай амрагийн холбоотой гэсэн мэдээлэл дэндүү их байдаг. Ерөнхий сайд С.Баяр Ж.Цолмон хоёрын холбоо МАХН-ы хүчтэй кадруудын нэг гэгддэг Ө.Энхтүвшингийн нөхөн сонгуулиас эхлэлтэй гэгддэг.
Ямартай ч тэр үед МАХН-ын Ерөнхий нарийн бичгийн дарга байсан С.Баяр ерөнхий сайд болмогцоо Ж.Цолмонг эрүүл мэндийн яамны дэд сайдын өндөр сэнтийд гайхан хүлээж авсан хүмүүс даанч олон байдаг. Харин 2012 онд нам нь АН-д далаараа тавиулах мөчид мань хатагтай нөхрөө даган холын Америкийг зорьсон. Харин сонгууль дөх юү үгүй юу нүүдлийн шувуу шиг буцаж ирсэн тэрбээр эрт энэ удаа Хөвсгөл аймгаас гишүүний зөөлөн суудалд суухаар зэхэж байна. Нэгэн цагт С.Баяртай амрагийн холбоотой гэгдэж явсан тэрбээр С.Баяраа сонгуулийн штабын даргаар ажиллаж байгаа энэ үед мэдээж гарна гэдэгтэй бат итгэлтэй байгаа нь тодорхой. Гэхдээ тэрээр гишүүн болохоороо ямар, ямар ажил хийхээ бус ямар, ямар хувцас өмсөж яаж сайхан харагдахаа төсөөлж, өөрийгөө баясгаж явдаг хатагтай. Ийм хүнээр Хөвсгөлчүүд төрд өөрсдийгөө төлөөлнө гэдэг өнгөрсөн хорвоо биз ээ.
Э.Нашка