Монголын Үндэсний музей хүүхэд багачууддаа зориулан ээлжит бэлгээ задаллаа

Удахгүй тохиох гэж буй Олон улсын хүүхдийн эрхийг хамгаалах  баярын өдрийг тохиолдуулан МҮМ-ээс хүүхэд багачууддаа ээлжит бэлэгээ барих гэж байна.  2016 оны 05-р сарын 31, 06-р сарын 01-нд 0-16 насны хүүхдүүд болон хүүхдүүдтэйгээ хүрэлцэн ирсэн эцэг, эхчүүдийг үнэ төлбөргүй музей үзүүлэхээр болжээ. 

Эх орныхоо түүх соёлыг хадгалан хамгаалж, түгээн дэлгэрүүлж, хүүхэд багачууд, оюутан залуус, гадаад дотоодын жуулчид, үзэгчдэд үзүүлэн таниулж, сурталчилсаар өдгөө хүрсэн  билээ. Монголын Үндэсний музей нь байнгын үзэсгэлэнгийн 9 танхимтай, 56000 гаруй үзмэртэй  Үндэсний  музей юм.

Залуу үе,  хүүхэд багачуудынхаа  түүхийн мэдлэгийг  илүү гүнзгийрүүлэн судлах боломжийг бүрдүүлж, Ерөнхий боловсролын сургуулиудтай шинэчилсэн нөхцөлтэйгээр хамтран ажиллах гэрээ хийж, хөнгөлөлттэй үнээр болон 10-р ангийн сурагчдыг  үнэгүй музей  үзүүлж эхлээд байгаа юм.

Б.БАТ