Догоо зааныхан тэр чигээрээ “сонгууль”-дана

УИХ, НИТХ-ын сонгууль хаяанд ирж, нэр дэвшигчдээ тодрууллаа. Тэдэн дунд нэг гэр бүлийн ах дүү, амраг садангууд өөр өөр нам эвслээс нэр дэвшиж, өвөр зуураа өрсөлдөхөөр хэрэндээ л бэлдэж суугаа. Тэр тусмаа Зууны манлай заан Д.Долгорсүрэнгийн халуун ам бүл халуун зунаар харин ч нэг амьсгаа дээгүүр байх нь ээ.

Тодруулбал гишүүн хүү Д.Сумьяабазар нь ах намаас Сонгинохайрхан дүүрэгт нэр дэвшиж эрхээ баталгаажуулах гэж үзэх бол Дагвадорж АН-ын улаан ногоон фен, Сэржбүдээ нь ч мөн ялгаагүй барилдаж ноцолдохоос илүүтэйгээр улстөрийг таашаах болсон.

За ах нар яахав гэж бодоход Догоо зааны ганц охин Ичкогийн нөхөр Бат-Эрдэнийн Золбоо гэх нөхөр МАХН-аас нэр дэвшиж байгаа гэх бор шувуу нисэлдэх боллоо. Тэгэхээр Догоо зааныхан баяр наадмаар хөвгүүдийнхээ захыг мушгиж завгүй байдаг байсан бол бөх хөвгүүд улстөрч болж, УИХ-ын сонгуулийн халуун өдрүүдэд амьсгаа дээгүүрхэн явах нь нэгэнт тодорхой болжээ.

Э.Нашка