У.Хүрэлсүхийн уясан морь УИХ-д хүч үзнэ

МАН-ын залуу үеийн залгамж халаа, Хэнтий аймгийн Бэрх сумаар овоглодог Л.Оюун-Эрдэнэ гишүүн болох карьерээ хөөхөөр шийджээ. У.Хүрэлсүхийн хүн гэгддэг тэрбээр НАМЗХ-ын тэргүүнээр хүртэл ажиллаж байгаад 2012 онд ах нараа, намаа амаараа шороо үмхэх үеэр лааз өшиглөж суухаар боловсрол мэдлэгээ зузаатгая хэмээн  АНУ-г зорьж байсан билээ. Харин тэрбээр энэ удаа төрсөн нутаг Хэнтийдээ Б.Бат-Эрдэнэ, У.Хүрэлсүх нарын хамтаар дөрөө харшуулан гишүүн болохоор бэлтгэл ажилдаа орсон сурагтай.

Тэр ч байтугай өөртэй тун итгэлтэй байгаа тэрбээр саяхан сонгуулийн тойргууд батлагдах үеэр өөрийн цахим хуудаснаа “Хууль гууль болсоор байна. Б.Гарамгайбаатарын өөртөө бэлдсэн тойрогт өрсөлдөнө. Эрх мэдэл, эд мөнгө ялахгүй” гэж нийтлэсэн байна лээ. Ямартай ч У.Хүрэлсүхээр улстөрийн амьдралынхаа А үсгийг заалгасан түүнийг хэр хол давхихыг харах л үлдлээ.  

Э.Нашка