Б.Тамирт хаягдвал “од” болох зам дардан болно

Драмын театрын залуу жүжигчин, басхүү авьяаслаг найруулагч гэдгээ нотолсон жүжигчин Б.Тамир хувийн амьдралын баялаг намтартай. Анхны амьдралаа "Шүрэн бугуйвч"-аар олонд танигдсан жүжигчин Золоотой эхлүүлж дундаасаа хүүхэдтэй болоод салсан бол хоёр дахь нь мөн л жүжигчин бүсгүй байв. Н.Мөнхсоёл тухайн үед олонд танигдаж амжаагүй байсан ч болзоот хархүүгийнхээ ачаар богино хугацаанд анхаарлын төвд орж ирсэн. Угаас суурьтай чадварлаг залуу бүсгүй "Фэйсбүүк од", "Хүүхэлдэй", "Мөрдөгч" олон ангит теле сериал гэхчлэн дэлгэцийн уран бүтээлд олонтаа дүрээ үлдээв.

Саяхан тэрбээр "Боловсрол" суваг телевизийн "Яг түүн шиг" шоунд өөр нэг авьяасаа дэлгэж эхэллээ. Мэргэжлийн бус ч гэсэн түүнийг шаггүй авьяаслаг нэгэн болохыг үзэгчид илэрхийлж буй. Салалт түүний хувьд илүү эрч хүчтэй болох хөдөлгөгч хүч байсан гэмээр. Харин Б.Тамирын анхны гэргий Золоо хувьдаа гоо сайхны салонтой болж уран бүтээлд ч олонтаа уригдан цэмцийх болсон. Б.Тамирын салсан бүсгүйчүүд өнгөтэй өөдтэй яваа нь түүний рейтингийг бас давхар өргөж байна шүү.