Удган болсон ч урлагаа хэзээ ч орхихгүй

Жүжигчин Ааяа буюу Ш.Алтанцэцэгийг үзэгч түмэн хүндэлддэг. Драмын театрын нэгэн үеийн уран дүрийн эзэн хэмээгдэж явсан жүжигчин Ш.Алтанцэцэг гавьяат өдгөө хошин урлагийн тайзнаа тэр тусмаа бүр “Мөрөөдлийн театр”-ын тайзнаа олон гайхалтай дүрийг бүтээж үзэгч түмнийнхээ хайр хүндлэлийг хүлээсээр яваа.

Харин тэрбээр саяхан “Өнөр бүл өнөө цагт” дэлгэцийн уран бүтээлийн үеэр үзэгчидтэйгээ уулзсан нь энэ. Уран бүтээлээсээ түр хөндийрч удган болсон гэгдэж байсан тэрбээр удахгүй шинэ, шинэ уран бүтээлүүдээрээ “бөмбөгдөж” эхлэх сурагтай. Сонирхуулахад тэрбээр таван сарын өмнө МУГЖ цол тэмдгийнхээ найрыг нижгэр тэмдэглэсэн бөгөөд хошин урлагийн отгон гавьяатуудын нэг.