“Өгөөж”-ийн С.Түмэнгэрэлд шаанс байгаа юу гэвэл, тийм

УИХ-д мөнгөтэй л бол хэн ч тухалж болдгийн жишээг бид өмнөх хэд хэдэн сонгуулиас бэлхнээ харсан. Эхэндээ бизнесийнхэн улстөр лүү “урвадаг байсан бол одоо бөхчүүд, дуучид, үзмэрч гэх мэт “нобарны цуглуулга” шиг л төрийн түшээдүүдтэй болох цаг улам ойртсоор. Харин энэ буухиаг “Өгөөж чихэр боов” ХХК-ийн захирал С.Түмэнгэрэл үргэлжлүүлэв. 20-жилийн турш гурилан бүтээгдэхүүнээр Монголдоо тэргүүлж яваа “Өгөөж чихэр боов” ХХК-ийн захирал тэрбээр ихэд амбицтай нөхөр болох нь өнгөрсөн жилүүдэд бэлхнээ мэдрэгдсэн.

Хамгийн ойрын жишээг л дурдахад энд тэндэхийн киноны нээлтэнд ихэд стильтэй хувцаслаж олны харцыг булаадаг эрхэм өнгөрсөн гуравдугаар сард “Эх орончдын нам”-ын баяраар СТӨ-нд гишүүн асан Д.Зоригттой тохойгоо нийлүүлээд додигор гэгч нь сууж байсан санагдана. Түүнийг эртнээс МАН-ын “фанат” гэдгийг мэддэг ч нэр дэвших хэмжээний намын гишүүн гэж бодохоор ах намын “атаман” нарын “халаасны хүн” гэдэг нь ойлгомжтой боллоо. Ямартаа ч сонгууль дөхсөн энэ үед түүнийг хэр хол давхихыг харж сууя. Түүнд гишүүн болчих шаанс уг нь бий л дээ. Э.Нашка