120-мянгатын унаган хүүхдээс Коля хүртэл

Драмын театрын туслах найруулагч жүжигчин Э.Батхүү гэхлээр таны сэтгэлд буухгүй байж магадгүй. Харин “Татар ажиллагаа” уран сайхны киноны Коля гэхлээр танд илүү ойр байгаа биз.  Хэдийгээр хошин урлагаар яваагүй ч ихэнхдээ л олны инээд болоод өхөөрдлийг төрүүлсэн дүрд тоглодог тэрбээр өнгөрсөн онд “ Намайг эр хүн болгож өгөөч”  гэх этгээд нэртэй киноны найруулагчаар ажиллаж найруулагчийнхаа ур чадварыг үнэлүүлээд авсан. 

120 мянгатын унаган хүүхэд гэгддэг тэрбээр бага насаа айлын том хүүхэд болоод ч тэрүү дүү нараа харан их л томоотой өнгөрөөсөн гэдэг. Хааяа нэг найзуудтайгаа уулзахаараа “Танктай хөшөө”-руу авирч,  “Богдын музей”-ээр тойрон сэлгүүцдэг байсан гэж ярих дуртай. Сонирхуулахад Э.Батхүү “Татар ажиллагаа” кинонд тоглож байхдаа гэргийтэй танилцсан бөгөөд тэдний хайран дундаас гарсан хүүг Амархүү гэдэг юм билээ.                                                                                                                                                      

 Э.Нашка