Уйлах нэг өдөр байхад инээх мянган өдөр ирнэ

Нээрээ л ингэж хэлмээр байгаа биз, жүжигчин Д.Оюунтуулд. Хүний амьдралд янз бүрийн л зүйл тохиоддог. Өнөөдөр уйлавч, маргааш инээх өдөр ирдэг гэдэг шиг халуун буцлам усанд түлэгдэж, жүжигчин Ц.Алдармаатай хэвлэлийн баатар болж явсан Д.Оюунтуул өнөөдөр юу ч болоогүй мэт инээсээр л явна. Эмэгтэй хүмүүсийн нөхөрлөл удаан үргэлжлэдэггүй, хор шар атаа хорслоор дүүрэн байдаг гэгддэг ч тэрбээр мэргэжил нэгт дүү Туяатайгаа хамтран “Т, Т” продакшн байгуулан харин ч уран бүтээлийн олз омогтой яваа.

Бүгдийг шинээр эхлэж байгаа тэдний хувьд саяхан “Нарантуул худалдааны төвөөс ойр зуурын юм аа цуглууллаа” хэмээн өөрсдийн цахим хуудаснаа постолсон нь олныг хоёр талцуулаад амжина лээ. Гэхдээ олны танил хүн “Нарантуул” захаар үйлчлүүлж болохгүй гэх хууль байхгүй хойно, энэ мэтийн аар саар зүйлд ач холбогдол өгдгөө болих хэрэгтэй... Олны танилууд ч гэсэн хүн шүү дээ.

В.БАЯРАА