Жүжигчин Р.Баттогтохын үхлийн шалтгаан тодорхой болжээ

Жүжигчин Р.Баттогтохыг нас барсан гэх мэдээлэл сүүлийн үед гарсан. Бүүр болоогүй үхлийн шалтгаан нь тодорхойгүй байна гэхчилэн хөврөөд л эхэлсэн. Тэгвэл энэ  мэдээллийн учир тайлагдав. Учир нь өнөөдрөөс кино театруудад нээлтээ хийх “Муу нүүрт”-эд тэрээр учир битүүлгээр нас барах бөгөөд бизнесмен Болдын /жүжигчин Р.Баттогтох/ үхлийн  шалтгаан олон хүмүүсийн эргэлзээг төрүүлнэ. Түүний ажил явдал дээр цугласан олон найз нар, хамтрагч нарын хэн нь ч үхэлтэй нь холбоотой байж магадгүй. Харин энэ бүхний ээдрээг эхнэр Уянга, багын найз Эрхэмээ, Цогоо нар тайлахаар явдаг тухай уг кинонд гарах ажээ.

Нэгэнтээ "Зарим найруулагчид тухайн жүжигчнийг эвдсэн, эсрэг төрх бүтээсэн дүрийг өгөх тохиолдол бий. Жүжигчин хүн ийм дүрд илүү дуртай. Учир нь өөрийгөө эвдсэн, ур чадвараа шавхсан дүрийг бүтээх нь чухал. Би ч мөн адил" хэмээн ярьсан тэрээр энэ удаад хэр “эвдэрсэн” байгаа бол? 

PHOTONEWS.MN