С.Бичүүд хайртай гэж хэл л дээ

Сүүлийн үед телевизийн суваг болгоноор С.Бичүү “ Хайртай гэж хэлээч” хэмээн дуулж байх юм. Дурласан, дурлуулсан хүмүүс хүртэл түүний энэ дууг бие биендээ захиалж сонсгоод л чухам романтик. Арга ч үгүй юм. Улирал нь  ингээд таарчихаж байгаа юм хойно. 

Өөрийн цахим хуудсаа тун ч идэвхтэй хөтөлдөг тэрбээр менежментээ ч сайн хийхээ мэддэг юм билээ. Баруун солгойгүй өөрийнхөө дууг share-лэж “Найзуудаа миний шинэ уран бүтээл,сонсоорой” хэмээн байнга рекламны пауз хийчихнэ. Болж л байна шүү дээ, үнэгүй реклам хийх эрх түүний цахим хуудсанд нээлттэйгээс хойш. Ихэвчлэн уянгын дуунуудаар “тоглолт хийдэг” тэрбээр “Дахиж би дурламааргүй байна”, “Будаггүй уруулын амт”, “Сарнай цэцэг” зэрэг хит уран бүтээлийн эзэн, хоёр ч хөөрхөн хүүхдийн аав.