Жүжигчин Б.Амарсайхан дэлгэцийн шинэ бүтээлээ дэлгэнэ

Холливудад монголчуудад жим гаргасан жүжигчин Б.Амарсайхан "Би юу хийчих вэ" хэмээх бичлэгээ олон нийтэд дэлгэн багагүй шүүмжлэл дагуулсан. Аль нам хэний захиалгаар хийв хэмээн түүнийг хардах болон байсан. Тэр бүү хэл шүүх, цагдаа дээр түүний энэхүү бичлэгтэй нь холбогдуулан эрүүгийн хэрэг үүсгэсэн ч гэмт хэргийн бүрэлдэхүүнгүй хэмээн хаагдсан юм.

Тэгвэл тэрээр “Үргээлэг-2” кино дэлгэцнээ гарсны дараа дараагийн дэлгэцийн бүтээлдээ орон завгүй яваа гэнэ. Тэрээр энэ удаад шинэхэн бүтээлээ өөрөө найруулан гол дүрд нь тоглож байгаа сурагтай.Жүжигчин Б.Амарсайханы найруулан бүтээж буй кино “Итгэл” нэртэй бөгөөд зураг авалтууд нь үргэлжилсээр байгаа аж.