ФОТО: Ээжүүд хамгийн хүчтэй

Admin

2016/05/08

Эх оронд нь болж буй дайны хөлөөс дайжсан 120-н мянган Сири улсын дүрвэгчид эдүгээ Европын холбооны улсуудад амьдрахаар Грек, Унгар улсуудад хүрэлцэн ирсэн билээ.

Тэдгээрийг эх орондоо хүлээн авахаас улс орнууд татгалзаж байсан хэдий ч Европын Холбооны улсуудын олон удаагийн уулзалт, хэлэлцээрээр асуудлыг шийдэж, улс орнуудад хуваарьлагдах дүрвэгсдийн тоог урьдчилсан байдлаар гаргасан.

Сири улсын 120-н мянган дүрвэгчдийн 58%-ийг буюу Герман улс 31 443, Франц ул 24 041, Испани улс 14 931-н хүнийг хүлээн авахаар болсон бол Польш 9 287, Голланд 7 284, Румынь 4 646, Бельги 4 469 гэх мэт тооны дүрвэгсдийг хүлээн авахаар болсон билээ.

Гэсэн ч улс орнуудын хилийг давах үеэр олон мянган иргэд амиа алдаж, халдлагад өртсөн билээ. Энэ үеэр нялх хүүхэдтэй эхчүүд маш их байсан бөгөөд дайны хөлд хамгийн их нэрвэгдсэн нь эмэгтэйчүүд хүүхдүүд байв. Бяцхан хүүхдүүдээ үймээн самуунаас эсэн мэнд авч гарах гэж өөрийн амь насаа үл хайрлан тэмцэх ээжүүдийн сэтгэл шимшрэм байдлыг зурагчид хальсандаа буулгажээ.

Б.Энх-Уянга

www.breakingnews.mn