Жанна хамтлагаа орхисон

25-р суваг телевизийн “Making the band” нэвтрүүлгээс төрөн гарсан “Anemone”, “Extacy”, “MIXX”-ийнхэн бараг л сураг алдрав бололтой. Хаа нэг тоглолтон дээр хармааны хэдээ дуулаад буух нь бий. Зарим нь ч хамтаараа лаг болохыг харуулж төвдөлгүй соло уран бүтээл хийхээр өрх тусгаарлажээ.

MIXX-ийн Темпо найз бүсгүйдээ “Шүүдэрхэн” дуугаараа бэлэг барьж, үеийнхээ шуугиулсан бол Амараа нь “Anemone”-ы экс гишүүн Жулдызээр “гоёж” клипээ олонд хүргэсэн. Энэ жишгээр рок попын охидын отгон хамтлаг гэж болох “Anemone”-ийн Жанна ч ганцаарчилсан уран бүтээл хийхээр гарчээ. Бас болоогүй тэд продюссер ч үгүй болж.

Үүнээс өмнө ахлагч Жулдызийг Солонгосыг зориход М.Бишрэлээр бүл нэмж дөрвүүлээ болсон ч өнөөх бүсгүй мөн л хамтлагаас гарчээ. Ингээд бууриа сахьж үлдсэн Цэнгэлэн, Халиун нар СУИС-ийн оюутан Асу-г хамтлагтаа урвуулжээ. Ямартаа ч салж нийлэхгүй гэж тангараг тавьсан гурав шинэ уран бүтээл, шинэ продюссерийн эрэлд гараад байгаа гэнэ лээ.

PHOTONEWS.MN