Д.Цэрэнчимэгийн талаарх ноцтой мэдээллийг цагдаагаар шалгуулна

Мэдэээллийн shuud.mn сайт дээр өнгөрсөн долоо хоногт Дорнод аймгийн Ардчилсан намын дарга, Засаг даргаар ажиллаж байсан Д.Цэрэнчимэгийн талаар "америкийн иргэн байхдаа монголын давхар иргэншилтэйгээр сонгуульд оролцож, Сонгуулийн хууль, Төрийн албаны хууль болон бусад хууль тогтоомжуудыг ноцтойгоор зөрчиж байсан. Монголын иргэний үнэмлэх дээрх нэр нь Дамдинсүрэнгийн Цэрэнчимэг гэж байх боловч америк пасспорт дээрх нэр нь Tserenchimeg Butterfield. Цэрэнчимэг Баттерфиелд нь америкийн иргэншилтэй, тэнд байнга оршин суудаг хаягтай байхдаа монголын сонгуульд оролцон улмаар хил хязгаарын бүс нутаг болох Дорнод аймгийн засаг даргын албыг хашиж байсан. Түүний нөхөр Роберт С.Баттефиелд нь д.Цэрэнчимэгийг засаг дарга байх үед АНУ-ын ТТГ-т ажиллаж байсан гэх зэргээр онц ноцтой хэрэгт холбогдуулсан мэдээлэл гарсан билээ.

Дорнод аймгийн Ардчилсан намын хэсэг гишүүн уг мэдээллийн талаар цагдаагийн газарт хандан шалгуулах хүсэлтэй байгаа бөгөөд тэд "Энэ бол сонгууль дөхөхөөр өрсөлдөгч намаас явуулдаг гаршсан явуулга, гүтгэлэг, дайралтын нэг. Д.Цэрэнчимэгийн хувьд гадаад нөхөртэй байсан нь үнэн ч давхар иргэншилтэй байгаагүй гэж бодож байна. Сонгуулиас өмнө энэ асуудлыг тодорхой болгож, нэг тийш шийдвэрлэхгүй бол сонгогчид, намын гишүүдийн дунд үл ойлголцол газар авч байна" хэмээн тайлбарлаж байна.

Удахгүй Д.Цэрэнчимэгийг иргэний харъяаллын асуудлыг хуулийн байгууллага тодорхой болгох нь хэмээн хүлээе. 

PHOTONEWS.MN