Нара нам дагахгүй гэв

Дуучин Нара буюу М.Нарантуяа сонгуульд нэр дэвшихээр мөрийн хөтөлбөрөө өгсөн билээ. Тэрээр өчигдөр өөрийн фейсбүүк хуудаснаа “Хөөрхий би нам мамгүйн болохоор энэ улс төр яаж эргэх гээд байгааг үнэн мэдэх юм алга. Сураг чимээ, мэдээ, хов яриа сонссоноос төрсөн хардах сэтгэлд бас л ээлжит луйвраа зохиох гээд л үхэлдэцгээж байгаа биз дээ. Би ч одоо ямар уйлалтай биш одоохондоо инээгээд л юу болохыг харзнаад л чадах чадахгүй зүйл дээрээ дуу хоолой болоод зарим нэг улс төрчдийн дургүйг хүргээд л байж байхаас дөө” хэмээн бичжээ.

Мөн тэрээр “Хэрвээ намаас нэр дэвшиж байж төлөөлөх гээд байгаа төлөөллөө төлөөлж чадна гэж бодвол намд сонгогдох бус харин намыг өөрийн итгэл үнэмшил, үзэл баримтлал, зүрх сэтгэлээрээ л сонгох ёстой болов уу гэхээс өнөө маргаашийн боломж харж санал тавьсан намд сонгогдоно гэдэг энэ замаар зөв биш буруу явахын цондон болох болов уу!!!” хэмээн сэтгэгдэл бичсэн зарим нөхдөд хатуухан хариу илгээжээ.