Hero: МАН-аас захиалж  бид хийсэн, МАН: Манай нам захиалаагүй,

Хэдхэн хоногийн өмнө жүжигчин Б.Амарсайханы тоглосон “Би юу хийчихэв ээ” гэх АН-ыг буруутгаж, харамсаж буйг өгүүлсэн бичлэг цахим сүлжээнд цацагдсан. Тус бичлэгийг МАН эсвэл УИХ-ын гишүүн Х.Баттулгын захиалга гэх хардлага олны дунд өрнөсөн. Харин уг бичлэгийг “Херо энтертайнмэнт” гүйцэтгэсэн гэдгийг эх сурвалжууд онцолж байлаа.

Тэгвэл өнөөдөр уг бичлэгийг МАН-аас хөлс авч, гэрээ хийсний үндсэн дээр “Херо энтэртайнмэнт” гүйцэтгэсэн гэдгийг тус байгууллагын графикч Ц.Мөнх-Очир мэдэгдлээ. Гэвч үүнийг МАН-аас үгүйсгэсэн бөгөөд “Бид бичлэгийг захиалж хийлгээгүй. Тэр бичлэг манай намд хамаагүй” гэх тайлбар өгөөд байгаа юм.

Ийнхүү зөрүүтэй мэдээллүүд олныг төөрөгдүүлж байгаа ч захиалсан, захиалаагүй гэх асуудалд олон нийт дор бүрнээ үзэл бодлоо илэрхийлж байна. Тухайлбал, “Херо энтертайнмэнт”-ийнхэн Женког аврахын тулд МАН-ыг илчиллээ гэж харах хүмүүс олон байна. Харин нөгөө хэсэг нь иргэд жүжигчин Б.Амарсайханыг улс төрийн будлианд хутгалдаж буйг ч шүүмжилж эхлэв.

А. ОЧ