ИЗНН МАХН-тай эвсэх эсэхийг ярилцав
ИЗНН-ын Улс төрийн зөвлөл өчигдөр хуралдаж 2016 оны УИХ-ын сонгуульд МАХН-тай эвсэх эсэх асуудлыг хэлэлцэн тус намтай уулзаж ярилцах ажлын хэсгийг намын дарга Ц.Ганхуягаар удирдуулан байгуулжээ. Хуулиараа намууд нь эвсэж сонгуульд оролцох эсэх нь дөрөвдүгээр сарын 29-н гэхэд эцэслэсэн байх ёстой. Ингэхдээ түүнээс урьтаж хамтарсан эвслийн мөрийн хөтөлбөрөө Үндэсний аудитын газарт хүргэх учиртай.
Үндэсний аудитын газраас өгч буй мэдээллээр цагийг нь тулган мөрийн хөтөлбөрөө хүргүүлбэл, хариуцлага хүлээхгүй гэдгийг эртнээс анхааруулах болсон. Тиймээс одоо эвсэх асуудлыг ярьж байгаа намууд үүнд анхаарах шаардлагатай болж буй.
ИЗНН-д өмнө нь Тусгаар тогтнол эв нэгдлийн нам, МҮАН, ХҮН-ууд эвсэх хүсэлт тавьсан байсан ч Үндэсний хорооны гишүүд нь дээрх намууд дотроо бужигнаантай байна гэж үзэн, эвсэх шийдвэр гаргаагүй юм. Харин одоо МАХН-тай эвсэх асуудлаар талууд ярилцах болж, ажлын хэсэг гарган ажиллаж эхлээд байна.
МАХН-ын хувьд МАН-тай эвсэх асуудлаар хэлэлцээр хийж, ажлын хэсэг гаргасан ч Н.Энхбаярын зүгээс хэтэрсэн барьцаа шаардсанаар МАН, МАХН 2016 оны УИХ-ын сонгуульд эвсэж орох асуудал хаагдсан юм.
Цагдаагийн байгууллагад зөрчлийн шинжтэй 749, гэмт хэргийн шинжтэй 123 дуудлага, мэдээлэл бүртгэгджээ
Худалдааны салбарын борлуулалтын орлого энэ оны эхний 9 сард өмнөх оны мөн үеэс 12.6 хувиар өсжээ
Цаг агаарын аюултай үзэгдлээс сэрэмжлүүлж байна!
Ерөнхий сайд Өмнөговь аймгийн удирдлагуудад хуулийн хэрэгжилт хангуулах хугацаатай үүрэг өглөө
Гэрч, хохирогчийг хамгаалах тухай хуулийн төслийг УИХ-д өргөн мэдүүлнэ
Г.Тэмүүлэн: Шүгэл үлээгчийг хамгаалах тогтолцоог бүрдүүлж, амь нас, эрүүл мэндэд халдсан, эсхүл халдах эрсдэл үүссэн бол нэн даруй хамгаалалтад авна
“Шинэ цагийн малчин" аяныг үндэсний хэмжээнд өрнүүлэх арга хэмжээний төлөвлөгөөг баталлаа