УЛААНБУРХАНААР ӨВДСӨН ХҮҮХДҮҮДЭД ЭМ ҮНЭ ТӨЛБӨРГҮЙ ОЛГОНО
Улаанбурханаар өвчилсөн хүүхдүүдийн дархлааг дэмжихэд зориулан 453.9 сая төгрөгийн эм бэлдмэлийг зарцуулахаар болсон талаар Хүн ам, нийгмийн хамгааллын сайд С.Эрдэнэ мэдээллээ.
Мэдээллийн эхэнд тэрбээр "Нярай, бага насны хүүхдүүд улаанбурханаар өвчилж ингэхдээ хавсарсан өвчлөлд өртөж байна. Энэ өвчний үед хүүхдүүдийн дархлааг дэмжих эм бэлдмэл өндөр үнэтэй байгаа учраас тэр бүр эцэг эхчүүд худалдан авч чадахгүй байгаа нь өвчин хүндрэх нэг шалтгаан болоод байна. Тиймээс дархлааны бэлдмэл болонхавсарсан өвчнийг эмчлэх эм бэлдмэлүүдийг олгох хөрөнгийг Эрүүл мэндийн даатгалын эрсдэлийн сангаас гаргах шийдвэрийг өнөөдөр гаргалаа. Энэ мөнгөөр долоон төрлийн эм, бэлдмэлийг худалдан авч ХӨСҮТ болон орон нутгийн эмнэлгүүдэд яаралтай хангах ажлыг эхлүүлнэ. Эцэг эхчүүдийн нэмэлтээр авч байгаа долоон төрлийн эм, бэлдмэлийг багтаасан" гэлээ.
Дархлаа дэмжих, хавсарсан өвчнийг эмчлэх эм бэлдмэлүүд 160-250 мянган төгрөгийн өртөгтэй байдаг бөгөөд дээрх мөнгөөр гурван сарын хэрэглээг хангах юм байна.
Ингэснээр бага насны хүүхдийн дархлааг дэмжих, хавсарсан өвчний хүндрэлийг арилгаж чадна гэж мэргэжлийнхэн үзэж байна.
Цагдаагийн байгууллагад зөрчлийн шинжтэй 749, гэмт хэргийн шинжтэй 123 дуудлага, мэдээлэл бүртгэгджээ
Худалдааны салбарын борлуулалтын орлого энэ оны эхний 9 сард өмнөх оны мөн үеэс 12.6 хувиар өсжээ
Цаг агаарын аюултай үзэгдлээс сэрэмжлүүлж байна!
Ерөнхий сайд Өмнөговь аймгийн удирдлагуудад хуулийн хэрэгжилт хангуулах хугацаатай үүрэг өглөө
Гэрч, хохирогчийг хамгаалах тухай хуулийн төслийг УИХ-д өргөн мэдүүлнэ
Г.Тэмүүлэн: Шүгэл үлээгчийг хамгаалах тогтолцоог бүрдүүлж, амь нас, эрүүл мэндэд халдсан, эсхүл халдах эрсдэл үүссэн бол нэн даруй хамгаалалтад авна
“Шинэ цагийн малчин" аяныг үндэсний хэмжээнд өрнүүлэх арга хэмжээний төлөвлөгөөг баталлаа