“Хит” уран бүтээлийн эзэн

Рок, попынхон дундаа “сахал” Пүүжээ хэмээн хүндлэгддэг хөгжмийн зохиолч Г.Пүрэвдорж манай дуранд өртсөн юм. Тэрээр урлагт тууштай зүтгэн үе үеийн уран бүтээлчидтэй гар нийлэн ажилладгаараа алдартай. Соёл урлагтай холбоотой арга хэмжээ бүхэнд арын албанд зүтгэн хамтлаг дуучдаа дагуулан очдог тэрээр саяхан болсон “Эра” төвийн 15 жилийн ойд хүндтэй зочноор ийн уригдсан юм.

Дэгжин бүрхээ духлуулсан тэрээр танхим дундуур их л додигор алхаж байгаа харагдсан шүү. “Улаанбаатарын үдэш”-ээс эхлээд олон хит уран бүтээлийг эгшиглүүлсэн тэрээр хамгийн сүүлд тэрээр “Bro’s records”-ынхонтой хамтран “Байгаль” цомгийг гаргасан бөгөөд энэхүү цомог хэн хүний сонорыг мялаан хит болсоор байгаа билээ.