Цэнхэр үст Цэрэн иргэнийхээ хувьд л ирсэн гэжээ

Цахим сүлжээнд цэнхэр үст Цэрэн нэрээр алдаршсан Цэрэндолгор өнгөрсөн долоо хоногт Баянгол зочид буудлын гадаах нэгжлэг дээр ирсэн юм. Тэнд УИХ-ын гишүүн Х.Баттулгыг тойрсон  дуулиан шуугиант үйл явдлууд өрнөж, энэ үйл явдалд УИХ-ын эрхэм түшээдээс гадна, улс эх орныхоо нэр алдрыг дэлхийд цуурайтуулж яваа олимп, дэлхийн аваргууд, Арлын Японы сумогийн их аваргууд хүртэл татагдан оролцсон. 

Түүнчлэн цахим ертөнцийн од болсон цэнхэр үст Э.Цэрэн, “Цензургүй яриа” нэвтрүүлгийн хөтлөгч, сэтгүүлч Л.Мөнхбаясгалан,  Херо энтертайментийн захирал асан Л.Баатар хүртэл өөрийн биеэр ирж Женког хамгааллаа хэмээн хэвлэлүүд бичиж байлаа. Харин цэнхэр үст Цэрэн би иргэн хүний хувьд л болж буй үйл явдлыг өөрийн нүдээр харах гэж ирсэн. Түүнээс биш Женкотой ямар ч хамаагүй гэх хариултыг сэтгүүлчдэд өгч байлаа.