“Миний ах атаман” Киргиз, Казакстанд нээлтээ хийнэ

“F” студи, “Фантастик” продакшны хамтын бүтээл болох “Миний ах атаман” кино 2014 оны есдүгээр сард нээлтээ хийн үзэгчдийг байлдан дагуулж шуугиан тарьж  билээ.  Учир нь уг бүтээл өнөө үеийн хүмүүсийн харилцааны үнэ цэнэд мөнгөн хэрхэн нөлөөлж буйг онц сонирхолтой, содон өнцгөөс харах юм.

Киноны зохиолыг Улсын драмын эрдмийн театрын жүжигчин Б.Тамир бичиж, ерөнхий найруулагчаар нь ажилласан байна. "Миний ах атаман" киноны гол дүрд жүжигчин М.Баярбат, Ж.Алтаншагай, Э.Алдар, Б.Барслхагва, Б.Батболд, М.Наранмөнх,  СТА М.Хулан, Ц.Төмөрхуяаг, С.Ариунбямба, А.Алтантөр  МУГЖ Ц.Төмөрбаатар, Ж.Оюундарь нар тоглосон нь залуусын эрч хүч, ахмад үеийн нөмөр нөлгийг харуулсан. 

Түүнчлэн мөнгө гэдэг зүйл ямар хүчтэй болчихсон юм бэ. Үүнээс болоод хүмүүс өөрөө өөртөө үнэнч байхаа больсон талаар л харуулахыг хүссэн. Залуучууд мөнгөний төлөө биш нэгнийхээ төлөө цохилох зүрхтэй байгаасай гэж хүсч байгаагаа уран бүтээлчид өгүүлж байсан. Тэр ч утгаараа энэхүү бүтээл дэлхийн зах зээл рүү ийнхүү эхний алхмаа хийлээ.