Аса аварга улаанбурхан туссан хүүхдүүдэд туслахаар Японруу апарат захижээ

Халдварт өвчин судлалын үндэсний төвийн сэхээн амьдруулах тасагт өнөөдрийн байдлаар улаанбурхан буюу кор өвчин нь хүндэрсэн 21 нярай эмчлүүлж байна. Түүгээр ч зогсохгүй уг өвчнөөр нэг шөнийн дотор хоёр хүүхэд нас барсан гэх мэдээллийг тус эмнэлгийн эмч, мэргэжилтнүүд нь хэлж байгаа. Салбарын сайд нь эзгүй учраас энэ асуудалд анхаарлаа хандуулахгүй байна хэмээн олон нийт шүүмжлэн цахим ертөнцөд иргэд цуглаан, жагсаал хийх дээрээ тулаад байгаа юм.

Тэгвэл сумогийн их аварга Д.Дагвадорж энэхүү асуудалд анхаарлаа хандуулан өөрийнхөө хөрөнгөөр улсад хэрэгтэй байгаа аппаратыг гадаад руу захижээ. Тэрээр “За ямар ч байсан хэд хэдийг захилаа. Удахгүй байх. Чадлаараа тусалж байгаа шүү” хэмээн твиттерт жиргэжээ. Давгаа аварга улаанбурханы эсрэг бүгдээрээ хамтдаа тэмцье хэмээн олон нийтийг уриалан байгаа юм.